Projekti AHEAD

Youth for Social Changes njofton nisjen e projektit “Kundër gjuhës së urrejtjes ndaj komunitetit rom, migrantëve, pakicave etnike dhe çdo grupi vulnerabël- AHEAD ”, projekt i cili do të zhvillohet në periudhën: Mars 2022-Shkurt 2024.
Aktivitetet e projektit do të organizohen në Rumani, Itali, Bosnjë dhe Shqipëri.
Projekti financohet nga Komisioni Evropian dhe zbatohet në partneritet me: UNIVERSITA DEGLI STUDI DI BARI “ALDO MORO” – UNIBA (Itali), Bosnian Representative Association for Valuable Opportunities -BRAVO (Bosnje), ARES’EL Association (Rumani).

Projekti AHEAD synon të promovojë mosdiskriminimin midis të rinjve dhe synon të luftojë racizmin, ksenofobinë dhe format e tjera të intolerancës ndaj romëve dhe pakicave të tjera etnike (kryesisht migrantët). Partnerët do të punojnë së bashku në qasjen inovative të praktikave të mira, tregime të bazuara në të drejtat e njeriut, trajnime, takime të rregullta zyrtare dhe fushata evropiane për rritjen e ndërgjegjësimit. Projekti promovon përfshirjen, tolerancën, mirëkuptimin reciprok dhe multikulturor dhe lufton diskriminimin e romëve, pakicave etnike dhe emigrantëve në Evropë. Ky objektiv kryesor do të arrihet me një qasje inovative që kombinon kërkime, trajnime (kombëtare dhe ndërkombëtare) mbi antidiskriminimin dhe gjuhën e urrejtjes, tryeza të rrumbullakëta, seminare, shkëmbim praktikash të mira, takime ndërmjet përfaqësuesve të ndryshëm, palëve të interesuara, OSHC-ve dhe organizatave rinore, dhe një fushatë masive shpërndarjeje.

Projekti do të kontribuojë në forcimin e kapaciteteve të viktimave të reja (pjesë e minoriteteve) dhe mbrojtjen e të rinjve që u përkasin pakicave, duke i mbështetur ata në ngritjen e kapaciteteve dhe mekanizma të rinj të strukturuar në konsultimet publike në vendin partner (të përsëritur në të gjithë Evropën) për çështjen e mosdiskriminimit dhe luftimit të çdo forme të gjuhës së urrejtjes kundër pakicave etnike, romëve dhe emigrantëve. Qëllimi i AHEAD është të trajtojë gjuhën e urrejtjes (gjithashtu në internet) dhe të luftojë diskriminimet që synojnë pakicat në 5 fusha të të drejtave civile: arsim, punë, strehim, shëndetësi, mallra dhe shërbime, përmes trajnimeve specifike të ofruara për 200 pjesëmarrës dhe përmes një qasjeje të re që kombinon kërkimin sasior, takimet publike me palët e interesuara dhe fushatën e ndërgjegjësimit.

Për më shumë detaje, ju lutemi kontaktoni në e-mail: yscorg.al@gmail.com .